Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: [email protected]
Efst á baugi
Sjúkraþjálfun í streymi
Bandalag háskólamanna býður upp á sjúkraþjálfun í streymi með Söru Lind, framkvæmdastjóra Netsjúkraþjálfunar.
Sara mun fjalla um fyrirbyggjandi aðferðir og bjargráð við líkamlegum álagseinkennum hjá einstaklingum í sóttkví, einangrun og fjarvinnu.
Farið verður yfir ákjósanlegar líkamsstöður, líkamsbeitingu og hvað sé til ráða þegar upp koma líkamleg álagseinkenni. Einnig verður farið yfir þætti í tengslum við hreyfingu og svefn.
Fyrirlestrinum verður streymt hér á streymisveitu BHM miðvikudaginn 25. mars kl. 10:00 og verður aðgengilegur í þrjá daga á streymisveitu BHM.
Sara Lind er sjúkraþjálfari og framkvæmdarstjóri hjá Netsjúkraþjálfun ásamt því að starfa í forvarnarteymi VIRK. Hún er einnig með MPH í Lýðheilsuvísindum frá Háskóla Íslands
8848 ástæður til þess að gefast upp
BHM býður félagsmönnum aðildarfélaga sinna upp á hvetjandi fyrirlestur með Vilborgu Örnu Gissurardóttur í streymi.
BHM býður félagsmönnum aðildarfélaga sinna upp á hvetjandi fyrirlestur með Vilborgu Örnu Gissurardóttur í streymi. Nú er um að gera að halda í jákvæðnina og horfa fram á við þrátt fyrir Covid-19, samkomubann og sóttkví.
Vilborg Arna ætlar að flytja fyrirlesturinn „8848 ástæður til þess að gefast upp“ í streymi á netinu frá sal BHM í Borgartúninu kl. 09:30 þriðjudaginn 17. mars 2020.
Fyrirlesturinn fjallar um ferðalag í átt að markmiði sem reyndist síður en svo auðvelt að ná. Sagan er persónuleg og fjallar um hvernig er hægt að yfirstíga hindranir, halda út í erfiðum aðstæðum, sorgir sem og sigra. Sagan á erindi við alla sem þurfa að takast á við áskoranir, mótlæti eða vilja bæta árangur sinn.
Athugið að vegna Covid-19 faraldursins verður ekki hægt að koma og hlýða á fyrirlesturinn. Hann verður aðeins í streymi á streymissíðu BHM .
Ráðstafanir gerðar til að tryggja órofinn rekstur KVH og öryggi starfsmanna
Vegna Covid-19 faraldursins hefur KVH gripið til ráðstafana til að tryggja órofinn rekstur félagsins og stuðla að öryggi starfsmanna. Þær byggja á viðbragðsáætlun sem unnin hefur verið fyrir vinnustaðinn.
Þessar ráðstafanir felast einkum í því að takmarka bein samskipti annars vegar milli starfsmanna og hins vegar milli þeirra og utanaðkomandi aðila. Sem dæmi má nefna að frá og með mánudeginum 16. mars munu starfsmenn KVH ekki funda með utanaðkomandi aðilum í starfsstöðvum félagsins að Borgartúni 6. Þá munu starfsmenn ekki sækja fundi utanhúss nema í algjörum undantekningartilvikum. Leitast verður við að nota fjarfundabúnað til samskipta við utanaðkomandi aðila eftir því sem kostur er. Enn fremur verður dregið úr viðveru starfsmanna á vinnustað til að lágmarka hættu á að mögulegt smit berist milli þeirra.
Þessar ráðstafanir verða endurskoðaðar eftir þörfum og aðstæðum.
AÐALFUNDI KVH FRESTAÐ VEGNA SAMKOMUBANNS
Aðalfundi KVH sem halda átti 25. mars nk. er frestað vegna neyðarstigs Almannavarna og samkomubanns heilbrigðisráðherra næstu vikurnar. Boðað verður til nýs fundar með hæfilegum fyrirvara um leið og aðstæður breytast.
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur