Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: [email protected]
Efst á baugi
Orlofssjóður BHM
Til félagsmanna KVH í OBHM:
Tímasetningu á því hvenær opnar fyrir ný leigutímabil orlofshúsa hefur verið breytt. Áður opnaði alltaf fyrir ný leigutímabil kl. 09:00 en breyttur tími er nú 12:00. Þetta hefst strax þegar opnar næst eða þann 15. febrúar
Upplýsingar um opnanir fyrir árið 2019 má finna hér.
KVH vill minna á að Orlofssjóður BHM er á facebook, þangað eru settar auglýsingar um sumarhús sem losna með stuttum fyrirvara. Einnig er hægt að skrá sig á póstlista á Bókunarvef sjóðsins.
Bestu jólakveðjur
Breytingar á úthlutunarreglum Sjúkrasjóðs BHM
Til félagsmanna KVH hjá Sjúkrasjóði BHM:
Vakin er athygli á breytingum á úthlutunarreglum Sjúkrasjóðs BHM, sem taka gildi frá og með deginum í dag, 17. desember 2018. Sjá nánar á vefsíðu BHM.
Lífeyriskerfið 101 – Opinn morgunfundur BHM
Þriðjudaginn 27. nóvember nk. stendur BHM fyrir opnum morgunfundi þar sem fjallað verður um grunnþætti íslenska lífeyriskerfisins, það borið saman við lífeyriskerfi nágrannalandanna og vikið að mögulegri framtíðarþróun kerfisins.
Fundurinn fer fram á Reykjavík Natura (áður Hótel Loftleiðir) milli kl. 9:00 til 10:30.
Opnað hefur verið fyrir skráningu á vef BHM. Skráningargjald er kr. 2.000 og greiðist með greiðslukorti við skráningu (debet- eða kreditkorti).
Dagskrá
- 8:30 Húsið opnar, morgunkaffi
- 9:00 Fundur settur
- 9:05 Uppbygging íslenska lífeyriskerfisins – í stuttu máli
- Vala Rebekka Þorsteinsdóttir, lögfræðingur hjá Lífeyrissjóði starfsmanna ríkisins – LSR.
- 9:30 Lífeyriskerfið og erlendur samanburður
- Björn Z. Ásgrímsson, sérfræðingur hjá Fjármálaeftirlitinu, og Stefán Halldórsson, verkefnastjóri hjá Landssamtökum lífeyrissjóða
- 9:55 Spáð í spilin – Rýnt í framtíð lífeyriskerfisins
- Unnur Pétursdóttir, formaður FS og fulltrúi BHM í stjórn LSR
- 10:20 Samantekt fundarstjóra
- 10:30 Dagskrárlok
Fundarstjóri er Bragi Skúlason, formaður Fræðagarðs – stéttarfélags háskólamenntaðra
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur