Kjarafélag viðskiptafræðinga og hagfræðinga
Kjarafélag viðskiptafræðinga og hagfræðinga (KVH) er stéttarfélag viðskiptafræðinga og hagfræðinga. Félagið sér um að gera kjarasamninga fyrir hönd félagsmanna, bæði á almennum og opinberum vinnumarkaði. Það vinnur að bættum kjörum félagsmanna, gætir réttinda þeirra og er óháð starfsvettvangi, vinnuveitanda eða ráðningarformi.
Alls eru greiðandi félagsmenn nú tæplega 2.000. Um 55% starfar á almennum vinnumarkaði en 45% hjá hinu opinbera.
KVH hefur það að markmiði að félagsmenn þess njóti bestu mögulegrar þjónustu og hagsmunagæslu á hverjum tíma. KVH er aðili að Bandalagi háskólamanna.
Aðsetur KVH og BHM er að Borgartúni 6, Reykjavík.
Á skrifstofu KVH er svarað í síma og veitt ráðgjöf er hér segir:
Mánudaga – fimmtudaga 13:00-16:00.
Föstudaga 9:00-12:00.
Fyrir almennar heimsóknir er hægt að bóka ráðgjöf og fjarfundi í síma 595-5140 eða: [email protected]
Efst á baugi
BHM fræðslan
KVH vill minna félagsmenn á BHM-fræðsluna (sjá dagskrá hér: BHM fræðslan)
Vegna gríðarlegrar eftirspurnar verður boðið upp á auka námskeið um núvitund í BHM-fræðslunni þann 2. desember n.k.
Núvitund – vellíðan og velgengni
2.desember 2015
- Staðsetning: BHM – Borgartún 6
- Tími: kl. 12:30 – 14:30
- Skráningar hér
Kjarasamningur við Rarik samþykktur
Nýr kjarasamningur, sem KVH og fimm önnur stéttarfélög háskólamanna undirrituðu fyrir skömmu við Rarik ohf., var samþykktur í sameiginlegri atkvæðagreiðslu. Svarhlutfall var 90% og 91,7% samþykktu samninginn.
Samningurinn gildir til 31.desember 2018 og er á svipuðum nótum og aðrir sambærilegir samningar sem gerðir hafa verið að undanförnu.
Kjarasamningur við Rarik
KVH og fimm önnur félög háskólamanna, þ.e. verkfræðinga, tæknifræðinga, FÍN, SBU og Fræðagarðs, undirrituðu nýjan kjarasamning við Rarik ohf., fimmtudaginn 12. nóv.sl. með fyrirvara um samþykki félagsmanna. Sameiginleg atkvæðagreiðsla um samninginn stendur nú yfir. Samningurinn hefur verið kynntur viðkomandi félgsmönnum, en hann er með gildistíma til ársloka 2018 og er að mestu leyti í samræmi við aðra samninga sem nýlega hafa verið gerðir til þess tíma.
Kjarasamningur KVH við ríkið samþykktur
Niðurstaða liggur nú fyrir í atkvæðagreiðslu félagsmanna KVH á ríkisstofnunum, um Samkomulag um breytingar og framlengingu kjarasamnings KVH og fjármála- og efnahagsráðherra, f.h. ríkissjóðs, sem undirritað var þ. 10.nóv. s.l. Niðurstaðan er afgerandi: Alls greiddu 382 félagsmenn atkvæði og var svarhlutfall 82,3%.
Já sögðu 367, eða 96,1%. Nei sögðu 10, eða 2,6%. Fimm skiluðu auðu, eða 1,3%
Félagsaðild
Í boði er meðal annars:
- Fæðingarstyrkir og sjúkradagpeningar
- Starfs- og endurmenntunarstyrkir
- Sumarbústaðir og orlofshúsnæði, innanlands og erlendis
Námsmannaaðild
Námsmenn í viðskiptafræði eða hagfræði á háskólastigi, sem lokið hafa a.m.k. 60 einingum (ECTS) geta sótt um námsmannaaðild að KVH (NKVH). Slík aðild felur m.a. í sér:
- Aðgang að upplýsingum og leiðbeiningum félagsins er snerta störf og kjör á vinnumarkaði
- Aðstoð við gerð ráðningarsamninga
- Aðgang að námskeiðum/málstofum KVH á ári hverju. Efni námskeiðanna eru fjölbreytt og höfða til námsmanna
- Gjöf frá KVH þegar að námi lýkur