Friðrik Jónsson hefur verið kjörinn nýr formaður Bandalags háskólamanna til tveggja ára í rafrænni kosningu sem lauk á hádegi í dag. Friðrik, sem er formaður Félags háskólamenntaðra starfsmanna Stjórnarráðsins, tekur við sem formaður BHM á aðalfundi bandalagsins næstkomandi fimmtudag. Hann hlaut 69,5% atkvæða í kosningunni en Maríanna H. Helgadóttir, formaður Félags íslenskra náttúrufræðinga, sem einnig bauð sig fram í embættið, hlaut 30,5% atkvæða.

Samkvæmt lögum BHM er formaður bandalagsins kjörinn annað hvert ár í aðdraganda aðalfundar af fulltrúum sem aðildarfélögin tilnefna til setu á fundinum. Rafræn kosning hófst 13. maí og lauk sem fyrr segir á hádegi í dag. Samtals voru 189 aðalfundarfulltrúar á kjörskrá og af þeim greiddu 187 atkvæði í kosningunni. Kosningaþátttaka var því um 99%.

Friðrik Jónsson er fæddur árið 1967 og hefur undanfarin 25 ár starfað innan utanríkisþjónustu Íslands. Meðal annars hefur hann starfað á vettvangi Alþjóðabankans, Atlantshafsbandalagsins og Sameinuðu þjóðanna og í sendiráðum Íslands í Washington og Kaupmannahöfn. Hann hefur einnig verið forstöðumaður GRÓ, þekkingarmiðstöðvar þróunarsamvinnu, og fulltrúi Íslands í embættis-mannanefnd Norðurskautsráðsins. Friðrik er með MA-gráðu í alþjóðasamskiptum og MBA-gráðu í alþjóðaviðskiptum. Hann var kjörinn formaður Félags háskólamenntaðra starfsmanna Stjórnarráðsins á aðalfundi félagsins síðastliðið haust.

Þann 20. maí 2021 var undirritaður stofnanasamningur milli KVH og Embætti landlæknis. Stofnanasamningurinn tók gildi 1.1.2021 og má finna samninginn á vefsvæði félagsins undir stofnanasamningar en tengill á samninginn má finna hér.

KVH vill þakka samningsaðilum fyrir samstarfið.

Uppsagnir og áminningar, réttindi og skyldur starfsfólks og atvinnurekenda – örfyrirlesturinn sem féll niður miðvikudaginn 12. maí verður haldinn á Zoom fimmtudaginn 20. maí kl. 13:00. Karen Ósk Pétursdóttir, kjara og réttindasérfræðingur BHM, flytur fyrirlesturinn.

 Smellið hér á hlekkinn til þess að skrá ykkur á hann.

 

Örfyrirlestrarnir um einelti, kynferðislega áreitni og fjarvinnu eru nú aðgengilegir á Námskeiðasíðu BHM og á Youtube síðu BHM.

 

Stjórnun á umrótartímum

Fyrirlestur Eyþórs Eðvarðssonar sem haldinn var þriðjudaginn 18. maí 2021 er aðgengilegur á Námskeiðasíðu BHM til og með þriðjudeginum 25. maí.

Smelltu hér til að skrá þig inn á Námskeiðasíðu BHM.

Réttindi á vinnumarkaði

Örfyrirlestraröð BHM 10.-14. maí kl. 11:00 á Zoom

Örfyrirlestrarnir fjalla um réttindi starfsfólks og skyldur atvinnurekenda á vinnumarkaði og vara í  um 15 mínútur, að þeim loknum verður hægt að bera fram spurningar. Fyrirlestraröðin er opin öllum en er þó sérstaklega hugsuð fyrir félagsmenn aðildarfélaga BHM.

Mánudaginn 10. maí kl. 11:00
Einelti á vinnustað Andri Valur Ívarsson, lögmaður BHM

Þriðjudaginn 11. maí kl. 11:00
Fjarvinna – niðurstöður könnunar BHM kynntar og
næstu skref rædd Vilhjálmur Hilmarsson, hagfræðingur BHM

Miðvikudaginn 12. maí kl. 11:00
Uppsagnir og áminningar, réttindi og skyldur starfsfólks
og atvinnurekenda Karen Ósk Pétursdóttir, kjara- og
réttindasérfræðingur BHM

Föstudaginn 14. maí kl. 11:00
Kynferðisleg áreitni á vinnustað  Andri Valur Ívarsson, lögmaður BHM

Smellið hér til að skrá ykkur og fá hlekkina á viðburðina á Zoom.
Fyrirlestrarnir verða teknir upp og hægt að horfa á þá síðar á fræðslusíðu BHM.

 

Einnig viljum við minna á námskeið í stjórnun á umrótartímum.

Þriðjudaginn 18. maí kl. 13:00-14:00

Óvissa er fylgifiskur margra breytinga en það eru stjórnunaraðferðir sem hafa mikil áhrif, eins og að hafa samráð um breytingar og kynna þær vel.

Í fyrirlestrinum verður farið yfir nokkrar þekktar og gagnlegar breytingakenningar og aðferðir sem gott er fyrir stjórnendur að þekkja.

 

Kennari er Eyþór Eðvarðsson, M.A. í vinnusálfræði, stjórnendaþjálfari og ráðgjafi hjá Þekkingarmiðlun

 

Vinsamlegast smellið hér til þess að fá nánari lýsingu og skrá ykkur á viðburðinn.
Fyrirlesturinn verður tekinn upp og hægt að horfa á hann síðar á Námskeiðasíðu BHM.